Hazırki dövrdə informasiya-kommunikasiya texnologiyalarının (İKT) cəmiyyətin inkişafına güclü təsir edən amillərdən birinə çevrilmişdir.

Müasir dövrdə İKT-nin iqtisadi həyatımıza daxil olan, ona ciddi təsir göstərən sahələrindən biri təhsil sferasıdır. İnkişaf etmiş ölkələrin təcrübəsi sübut edir ki, hazırda İKT-nin tələblərinə tam cavab verən, ona çevik və səmərəli şəkildə uyğunlaşan Distant təhsildir.
Vahid mərkəzləşdirilmiş Distant təhsil sisteminin yaradılması və inkişafı konsepsiyası Distant təhsilinin yüksək sosial əhəmiyyətinə, onda formalaşmış tələbatların uçotuna, lazımi pedaqoji, elmi-texniki və elmi-texniki və elmi- metodiki kadr potensialına və maliyyə imkanlarına əsaslanır. Bu baxımdan Distant təhsil dedikdə, kompleks təhsil xidmətləri başa düşülür.

Distant təhsil Mobil təhsil yaradır və həmçinin, ənənəvi tədris sistemi ilə müqayisədə hər təhsil alana çəkilən xərci (bir neçə dəfə) azaldır və bunun hesabına o, təhsilin keyfiyyətini qoruyub saxlamaqla onun tamamilə yeni səviyyəsini təmin edir.
04.04.2005-ci il tarixdən Universitetin Elmi Şurasının qərarı ilə «İxtisasartırma və yenidənhazırlanma» fakültəsi Əlavə təhsil mərkəzi,02.03.2006-cı il tarixdən isə Distant və əlavə təhsil mərkəzi adlandırılmışdır.

Mərkəz 2 (iki ) şöbə və 1 (bir) bölmədən ibarətdir.

1. Yenidənhazırlanma və əlavə təhsil şöbəsi;
2. Distant təhsilə xidmət şöbəsi;
3. İxtisasartırma, stajkeçmə və yaşlıların təhsili bölməsi.

Yenidənhazırlanma təhsili AzDİU-da hazırlanan bütün ixtisaslar üzrə tədrisin müxtəlif formalarında (əyani, axşam və distant) təşkil edilir.
2004-2005-ci tədris ilində «Maliyyə və kredit» ixtisası üzrə 101, «Maliyyə işi» ixtisası üzrə 22, «Beynəlxalq iqtisadi münasibətlər» ixtisası üzrə 45 nəfər mərkəzin dinləyiciləri sırasına qəbul edilmişlər.
2004-2008-ci tədris illərində respublikanın bir çox qurumlarının, o cümlədən, İqtisadi İnkişaf Nazirliyinin, Maliyyə Nazirliyinin, Xarici İşlər Nazirliyinin, Vergilər Nazirliyinin, Nazirlər Kabinetinin, Dövlət Sosial Müdafiə Fondunun, Əmək və əhalinin Sosial Müdafiəsi Nazirliyinin, Dövlət Statistika Komitəsinin, Beynəlxalq Bankın, Milli Bankın, Kapital Bankın, Bank Standartın, xarici şirkətlərin və iqtisadiyyatın digər bölmələrinin, özəl firmaların 545 nəfər əməkdaşı distant yolu ilə Maliyyə və kredit, Beynəlxalq iqtisadi münasibətlər və Maliyyə işi ixtisası üzrə yenidənhazırlanma təhsilini başa vurmuş, 530 nəfər isə hal-hazırda təhsillərini davam etdirirlər.

Daha ətraflı: http://dist.aseu.az